کورپه و بوی داشی قارسو / گوزلآی و یاشیللیقلر/ تورکمني
یازیجی: قمر رویا ایشچی
کورپه و بوی داشی قارسو
هرگونکی یالی صبرسیزلیق بیلن غاراشیان بویداشیم، قارسووی یونه بیلمیان نامه دیب گیچ ایتتی.
قارسو هیچ گیچ غالمیاردی چاپیب یاتاغیمینگ آستینده کی صندیغیم دان یخشی گوریان ایتگیمی وآق اوست تان گیانمی چیقاردیم گیدیم.
داشاری چیقیب گیلیب دراچه دن غاراب دوردیم. انام: ینه می سین باشقه گیمنگی گیدینگ! گونده اون گزک گیمک بولرمی قیزیم کورپه ؟! نا ینگ لانان ایپلاپ غویان گییملری توزدیریارسینگ؟
اگر صندغینگی اونگکی یانق منینگ غاتلاب قویدیغیم یانی اینگباش لرینگی غویمادیق بولسانگ سن بگون اوینه ماغی اونوت بیلدینگ؟
اوتور اویده وانینگ گوک جانینگ سالانجاغینی اوری، دیدی.
من امسم یریمدان سیپیب ینه صندیغیم ینگ یانینه اوز یمی یتشتردیم قاتی بوزلان کوینکلریمی قیتادان قاتلادیم.
یونه غیغی چومدوم، غارسو گلنینده یا انم جان غویماسا داشاری چیقماغا اوندا اویاناب بیلمیان دیب.
مامه ما غاراب کوینک لریمی ایپلاپ غویدیم گوک جان انیما سو گیتیراین می؟
شول وقت انام غاراب: توپلارسینگ غیزیم، بول اوچنجی گزک بولدی کوینک دیگیشتیردینگ، منینگ ایلم بوش دال سنینگ ایزینگی توپلاسام هردایم! من قیسی ایشا یتشاین سن ایندی کتته قیز بولدینگ منگا کومک لش! غاچاناچلین اویناجاق دیب گپلاپ گپلاپ آش خانه باقا گیتتی .
مامه امه غاراب مامه جان! قارسو گیلسه انم منی غویار میکا داشارده اویناسام؟
مامه ام باقیب: قیزیم انانگ داشاری غویماسا اویده اوینانگ داشاردا نامه گپ بار؟ دیب چاغه نی اورامگینه دوام بیردی.
من: داشاری دا بویداشلریمیزده گیلیار سونگ داشاردا غوم بیلن اوینیارس.
اویده یکه اویناماق هیچ قیزیق دال. آغام گوندیز خان ده درسلرینی اوقیب بولن سونگ داشاری اوغلانلرینگ یانینا چیقیار اوینماق اوچین من ده چیقماق ایسلیان قاپیمیزینگ یانینده اویی اویی اویناسام!
مامه ام گولوب: بولیار بولیار گیت ده باشقه گونلار یانی ینه اوینجاق لارینگی آتیب اوغلان لر بیلن اوروشوب آغلاب گیلما دیدی.
من : مامه جان من اوغلان لاربیلن اورشام یوق اولر بیزی غویان یوق.
گیلیب بیزینگ غورشان اویمزی بوزیب بوزیب غوی یار. اینگ باشیندا ده طغرل بیزی غویان یوق اویناماغا، اول بولمسه بیز غوویی اوینیارس.
باشقه چاغه لار یا بیزینگ بیلن غوشلیب اوینیار یاده بیزینگ اوینمیزی هم بوزمیارلر یکه اوینه یارلر دیارتیم که غارسو گیلدی، من دررو انام جان قارسو گیلدی! داشاری اوینامانا گیدالیک می ؟ دیب سورادیم.
انام: گیدینگ یونه گیجه غالما آتانگ ایش دان گیلمه دن گیل واوزینگی واینگباش لرینگی ده لای وتوپراقدا اوتوروب کیرلتمه دیدی!
من: بولیار انام جان دیب قاپی نینگ یانینه چاپتیم قارسوبیلن داشاری چیقتیق قارسو بگون طغرلی گورمدیم بیر ییرا گیدان یالی دیدی.
من گیدان بولسه غوی اوندا اویی کوپ غورشارس اوینمیز اوران قیزیق بولر.
من گیدیب دررو قورجاق لریمی و پیل و کپچه لری گیتیرین سن ده گیت قورجاق لارینگی گیتیردیب، اویا باقا چاپتیم.
قورجاق لریمی دررو آلدیم باریسینی، انام داشارده اوینیان قورجاقلریمی اویده اوینیان قورجاقلریمی ، آغامینگ وانیمینگ اوینجاق لاریندان ایری بیر کارتون ایچینده غوییاردی.
و همیشه دییاردی بولری داشاردا اوینا اویده چیقارمه کارتون دان، من ده داشاردا اویناماغی سوییاردیم اویده هیچ کارتون دن چیقارمیاردیم، کارتون دررو آلیب قاپی نینگ یانینا باردیم.
قارسو حالی هم گیل ماپتی اونی غاراشمادیم توپورلاری غازیارتیم بیرآز دان قارسو گیلدی ایلینده اوینجاق لری و اینه سی بیزا بوغیرساق بشیران اکن گیتیردی.
غارسوینگ باشقه دوغانی یوقدی اناسی بولسه اوگرتمن تی. اولرینگ اویلری وبیزینگ اویمیزینگ آراسینده ایکی اویی بارتی بیز اوران غوی اوینیاردیق باشقه بویداشلرمیزا غارنده.
ینگی اوینا قیزیغیب تیق کی طغرل گیلدی توپراقدان غورشان اویمیزینگ دیوالنی ایاغی بیلن دیپیب بوزدی غارادیم آغام هم یقینده یوق.
قیغریب باشله دیم گوندیز! گوندیز ! یونه گوندیز گیلمدی طغرل اونگه دنگیج غارسوینگ غورشان اویینی بوزیب منینگ کینی دا بوزماغا باشله دی.
غارسو آغلاب غویباردی یونه من آغله مان اوینجاق لرمیزی تو پله دیم غارسو بیلن اویه گیلدیک باغچه میزده اویناماغا باشله دیق بیز اوینایاردیک کی طغرالینگ آنه سی غاپی نی قاقیب منی قیغردی کورپه قیزیم گیل دیب قاپی یقین باردیم نامه دیارکا دیسم منگا باقیب ایندی دن غاپی نینگ اونگینده اویناب بیلر سینگیزلر.
من طغرلینگ بوگون ایدان ایشنی گوریب اوران اربت بولدم و طغرلینگ ایدان ایشنی اوران اربت و یمان ایش ایتیانلیغنی اونگه بیلدیرتتیم.
سونگ
ــــــــــــــــــــــــــــــــــــــــــ
یازیجی: قمر رویا ایشچی
اجه جانینگ اوبهسی
هرگون کی یانی، اجه جان اویه جیغی بیلن اویناپ آغاچ لره چیقیب بوکیب ویورتیب اوران یاداب تی.
آخشم اوستی اینه سی، سیپه نینگ اوستینده ییرلرینی دوشاب، آخشم ساچاق یازمق اوچین حاضرلاپ تی.
اجه جان اوران یادو تی، اویه جیغی
آی صنم ینگ یوزینا باقیب بو گیجه ساچاغی سین یازارسینگ ایل لری ده یودیرارسینگ دیدی.
آی صنم: من کوندیگی گوتریب بیلمیان ساچاغی گیتران، دیب جوغاب غیتردی.
اجه جان یوزینی چیتیپ: آغاچ تن اینان چاغیمده ایاغیم بوروقتی، حاضر هم آغریار دیدی.
اینه سی ایکی سینینگ آراسینده آلماشان سوزلرا غولاق آسیب دورن اکن ، گیلیب هنی گوراین ایاغینگی، بیرگون ده آلاده سیز بولینگ دیب اجه جانینگ ایاغینی ایلینه توتیب باقتی.
سونگرا اجه جانه سرادیب دیدی: غیزیم ایاغینگی حاضر باغلان، دور!
یومرتانینگ سارسینه دوزسیپیب غاریشتردی سونگره ایاغنینگ بیله گینه سوریب آق سان بیلن غوویجا باغله دی.
دیدی: غیزیم! بالیم ایمک دان سونگرا ییرلرینگیزی دوشانِ، چیبین لیغی توتان سونگرا مامه جانینگ، اینگ غوی گوران متالینگی ایدار.
سونگرا ایاغینگ ده غونارگیدار، حاضر دینگلان یات ییره کوپ باسمه .
اجه جان: بولیار اینه! دیدیگینگی ایدان دیدی.
اجه جان اوبه سنینگ یازلرینی سوییاردی اوبه لری باشغه اوبه لره غرانده بهار ویازی ، یاشیل راق وگویزی اونگادان راق بولیارتی.
اوبه سی یام یاشیل، گوک واوبه سینینگ اچیندان دریا گیچیاردی.
یاز گون لری دور لی دور لی میوه لی آغاجی بارتی وآغاچ تان میوه غوپاریب ایمک و آغاجینگ یوقاری شاخه سینا چیقماق وگیجه لری گوگه باقیب یلدیزلرینگ غایماغنی ایزلمک، دولن آییه گیجه نینگ یاریسینه چلین باقماق واینه جان ویاده مامه جانی نینگ ملایم سیسی بیلن متال دینگله ماگینگ کیفی بام باشقه تی اجه جان واویه سی اوچین.
یونه شهرده یاشاماغی ده ایسله یاردیلر. مدامه اینه وآتاسینه دیارتیلر شهراگیدیب یاشایلیک شهردا اولی اولی چاغه لر اوینیان پارکلری بار، اولی اولی ساتین آلیش مرکزی بار، برقی بار اویلری بلاک شکلینده.
بلاک دا یاشاماغی اوران غوی گوریارتیلرو اوران آرزو ایدیارتیلر، اجه جان و آئ صنم ایکی سی ده.
اولر اوچ گزاک تن کوپراک شهرا گیدماپتیلر وهرگیدنلرینده هم آتالرنینگ دوکانی اوبه دا غاپی سی غولپ لی غالماسین اوبه داکی لر گیراک ییراق لری اوچین اوزاق ییرلرا گیتماک زورنده غالماسین دییپ دررو دونیب گیل یارتیلر.
گون گیچتی، آی گیچتی شولیالی گویز بیلن غیش هم گیچتی بهار گیلدی. یقینده اولرینگ غوی گوران داشاردا یاتیان گونلری ده باشلیاردی شول وخت آز غالیب تی یازا، اجه جان صبرسیزلیق بیلن غاراشیاردی یازی.
بیرگیجه آجه جان اویه جیغی بیلن بیرلیکته یاتیرتیلرگیجه یاریسی شیرین اویخوده اینه سنینگ سیسی اویاندیردی تورینگ غیزلر سیل گیلدی! بار ییرینی باستی!
تیز بولینگ! گوزلری چلا اوخی چلا آچیق نامه بولننی بیلمان اینه جانی بیلن داشارا یورتیب چیقتیلر.
حولی لری، سیپه بویی سودولیب تی غارانقی دان بیللی بولمیارتی نیردان سو گلیار گوریب ده بولمیارتی .
آته سی اجه جانی وآی صنمی بیللریندان ایکی ایلینی آیلاب دروازه خانه چیتا که یوقری راق وسو باسماپتی وموترلری هم دوریارتی یوریدی .
مامه سی اینه سی هم گیلدیلر، ایکی سیده موترا مینندان سونگ آته سی غاپینی آچیپ موتری سورماگه باشله دی.
کوچه لرنینگ شاخ لری هم سودان دولیب داشیب آقیاردی غرانقی ده بولسه گوزلری یواش یواش گورماگه باشلاب وغرانق لیغه اوگرندی.
سو سیل بولیب شاغلاپ آقیاردی و َشاغلان سیسی بیلن اجه جان ینگ یورگینی قورقیدن دولدیردی.
اجه جان و آی صنم ایکی سیده اوران قورقیب تیلر.
آته سی موتری سوریاردی و بیللی تی غونگشی لری ده چیقیب تیلر جان لرینی غوتارماق اوچین ، یان اوبه ویا ده شهر چیتا، یول آلان تیلر.
ایرتیره غالمان اجه جان دانگی شهرده بیره جیک دایی سنینگ اویی بارتی یتشتیلر.
اجه جان وآی صنم سوینج لرینی گیزلاب بیلمان یلغیریارتیلر بیربیرینا باقیب.
اینه سی واتا سی امسم تی ویوزلریندان راحت سیزلیق لری بیللی تی.
شهرده دایی سینینگ اویینده غالدیلر.
اجه جان وآی صنم ایکی سی، دایی سنینگ غیزی گوزل بیلن گیلندن دررو اوینه ماغه باشله دیلر.
سیلی ده اونوتیلر اوبه لرینی ده .
گونده آخشم اوستی، پارک گیتیار تیلر ودایی سینینگ غیزجاغزی گوزل بیلن هرگون اوقوا باریب تازه آرقه داش تاپیارتیلر.
دایی سی تاریخی، گورولیان وغیزیق ییرلرا آلیب گیدیب گیزدیریارتی.
بیر آی گیچتی گیلن لریندان یواش یواش اوبه لری یادلرینا دوشیب گورسلری گیلماگه باشله دی.
ایکی آی گیچندان سونگرا بیرگون آتالری گیلیب تیار بولینگ ایرتیر اوز اویمیزه گیدارس دیدی.
اجه جان و آئ صنم بیر بیرینه باقیب سیونیپ گولدی لر وگیجه اینه سینه باقیب اینه جان ایندی اوز اویمیزه بارساق، سین نامه دیسنگ سوزونگه غولاق آسارس، ییرامازلیق اتمییارس، اویمیزی اراسته ساقلارس، آرقه داش لریمیز بیلن هم هیچ اوروش میارس دیدی.
اینه سی؛ بیللی که سیز اوبه نگیزی اوران گوره سینگیز گیلیپ تیر! دیدی .
اجه جان: هوا لا؛ اوران گورسیمیز گیلدی اوبه میزینگ گوزللیگی یانی گوزل لیک یاشغه هیچ ییرده یوق یاز گیجه لری ییلدیزلرا ایل اوزاتسنگ حمالا ایلینگه گیلجک یالی، دولن آیی یا باقماق و سونگ سیز گوگی ودریاسی هیچ ییردا یوق.
اینه جانم سینی وآتامی سوییارس اوبامیزی واوییمیزی ده اوران کوپ سیودیگیمیزی ایندی آنگله دیک دیدیلر.
اجه جانینگ اینه سی، اجه جانی وآی صنم جانی اوپیپ غوجاغینه آلیب سوینیپ غیزلرینه باقیب اوندا یاتینگ ایندی ایرتیر ایردان گیتماک اوچین ، ایر تورماغمیز گیراک دیدی.
سونگ
ــــــــــــــــــــــــــــــــــــــــــــــــــــــــــــــــــ
گوزلآی و یاشیللیقلر
ییریوزنینگ بیر بورچغینده، اونگادو یم یاشیل بیر اوبه، بار میش.
اول اوبه ده ایکین ایکلن ییر لر نینگ اورته سینده بیر اولی باغ، باغینگ ده اورته سینده، گوزل آی مشغله سی بیلن یاشیارمیش.
گوزل آی دان اولی بیر اوغل دوغنی و اوندن کیچی بیر دوغنی بارمیش، یونه گوزل آی اویلرنینگ یکه غیزی میش.
آتا سی گوزل آی اوران غویی گوریارمیش و اینه سی هم چاغه لیغنی غوی بولیب گیچماسی اوچین ایلندن گیلننی، نامه بولسه آییه میورمیش.
گوزل آی؛ چاغه لر بیلن اویناماغی اوران سیویارمیش وهر فصلینگ اویننی ایری ایری اوینماق تن، هیچ ایل چیک میارمیش.
قیش فصلینده، دونگان غارینگ اوستینده سیپانغیچ، بهارده ییرلره گیدیب اوت و گل لاله دیرمک ویازینگ ایسی سینده آغاچ لره چیقیب میوه چوپلمک و گویزده غونگشی چاغه لری بیلن لای لای اوینمق وینه بیر سوری اویین لری بارمیش.
گوزل آی مدام ایچتن اوین لری اوینیارمیش، ودایم هم اینه جانیندن ایلی و گیمینی کیرلندیرینی اوچین گپ ایشید یارمیش، شونده هم هیچ اویندان غالمزمیش.
گوزل آی میوه ویاشیل لیق لرینگ رنگ ینی هم اوران سیویارمیش یونه ایمک زمانینده، اوران غینان یارمیش.
او پلوکادی و کاشیرینگ رنگینی اوران غوی گوریارمیش. غیزیل توروبچه نی، یاشیل سوغانی، گشنیز، نعناع، شیبت ویاگله منگزش گل پی و بروکولی نینگ، گل یالی بولیشناحیران غالیارمیش.
غره بانجان ودولمه مرچ لرینگ غره قیزل، قیزل ،ترنجی، ساری رنگلرینی، اوران سیویارمیش.
دینگه غینت چلیق، ایمانی نی هیچ ده غوی گورمیارمیش.
اینه جانی هم هرگیجه سفره ده اونگاد، اونگاد دوزییب غاپده غویان یاشیل لیق لرینگ تازه لیگی،کشفنی اچیارمیش. یونه دینگه باقیارمیش واییه سی گیلمیارمیش.
گوزل آی اوزین وگینگ گل لی اتگی نی هم گییب اویناماغی اوران غوی گوریارمیش، هرمحل آتاسی گیل سه او چاپیپ ایتگینی گییب گیلیارمیش وآتاسینا تلویزیون ده غویلن آیدیم ده اویناب بیریارمیش.
اتاسی واویده کیلر هم اوران سیونیب چک چک ایدیب گوزل آیی، هیجان و سیونج بیلن سّیر ایدیارلرمیش.
گوزل آی ده مشغله سینینگ سیونجی نی گوریب اوران سیونیارمیش.
گونلردان بیرگون قیش گیلب اوران سووق بولن میش. گوزل آی دا سووق هوا ده یوقه گینیب داشاری چیقن میش.
بار ییر غار دولی میش و چیقن گونشینگ گویجی ایسید ماغه یتن یوق میش.
گوزل آی یورتیب غار اوینیان بویداشلرینا غوشیلیب غار اویناماغه باشلان میش. باریسی اوینه اوران غیزیغان میش وغیزیغان چاغده اینه سی چاغیرنمیش:
"گوزل غیزیم؛ گیچ بولدی اینگنینگده ده هیچ دوغری بیر زاد گیینمانسینگ! تیزبول اویه گیل دیب چاغیرنمیش".
گوزل آییه هیچ یاقمانمیش اول اویناماق ایستیارمیش یونه اینم غهر ایدایماسین دیب اویینه بقاچاپیپ گیلن میش. اویه گیلندن اود دا، بوز یالی ایلنی ایسیدیب باشلابتیر.
اینه سی؛ بیر پیاله ایسی سوت گیتیریب ایچیرن میش.
گوزل آی سوتی ایچندن، اینه سی دیین میش: بیرآزدان نهار حاضر بولر اونگا دنگیچ، اوزینگی ایسی ایت، کیسل بولایمه ینه، دینمیش.
گوزل آئ بولسه هیچ نهار اییه سی گیلن یوق میش، من نهار ایه سیم گلمیار دیب اینه سینه ایدان میش.
گوزل آی پی جینگ یانینده اوران ایسیلان میش اینه سی گیلیب باشینی ایل لاب گورنده اوران غیزدیراننی بیلن میش.
اینه سی اونی دررو باشینا لته حول لاب باسیب پی جتن اوزاق لان میش.
غیزدیرماسی هیچ سوینمانمیش وسونگره گوزل آیی دررو دوکتورا آلیب گیدن میشلر، دوکتوردا بیر توپاردرمان یازیب، گوزل آی اوران غتی اوشیب تیر دینمیش.
کوب وقت گیچنمیش گوزل آی درمان وقتینده غوللنسه ده هیچ غوی لن مانمیش.
اینه وآتاسی اوران غایغی لانان میشلر، ناگوزل آی غیزمیز غوی بولمیاردیب.
غایغی لنیب ینه دوکتورا آلیب بارانمیش لر دواکتوردا سوران میش نا غونامادی!؟ نامه بیریارسنگیز ونادیب ساقلیارسنگیز؟ دیب.
دوکتور دینگلاندان سونگ اینه وآتاسینا دینمیش: "غیزنگیزا کوپراک یاشیل لیق ومیوه بیرسنگیزو پرهیزایدایسه دررو غونار باشغه کیسل ده بولماز "دین میش.
اینه سی گیلیندن دررو باریب بیرسوری یاشیل لیق ایکیلن ییرلریندان دیریب گیتیریب چوربا بیشرن میش و دوکتورینگ سوزینی دا بیر بیرگوزل جانا ایدنمیش.
گوزل آی جان ده درد چیکمک و کسل بولمق دان یاشیل لیق ومیوه ایمک غویی وساغلیق لی دیب دوشننمیش سونگره ده یاشیل لیق ومیوه لری سیوب باشلان میش.
گوزل جان کیسل بولن چاغده اینه وآتاسی، دوغنلری و بویداشلری، باری قیغلی بولیب یورنمیشلر.
ایسکی یالی گولمانمیش لر وگوزل آئ جان دا بویداشلری بیلن اویناپ بیلمان، اونگاد گوران اتگینی هم گییب بیلمان میش. ناچه وقت گیچندن سونگ فرق ایدنیب باقان میش که باشقه ایسکی یالی کیسل بولمیار واول سونگره بویداشلرینه ده سارغیاردی که یاشیللیق ایینگ؛ کیسل بولماجاق بولسانگیز.
گوزل جانینگ آرتیق بیر تجربه سی بارتی و اوگرنیب تی که یاشیل لیق ایمگینگ فایده سی ویاشیل لیق ومیوه ایمک بیلن بیر سوری کیسل لیگنینگ اونگی آلینیار و شویله بولیب یاشیل لیغی سویب باشلان میش.
سونگره گوزل آی بهار ، یاز و گویز گیل سه اینه سی بیلن گیدیب ییرلریندان فصلا؛ دیگشلی یاشیل لیق ومیوه باغلریندان وایکین لریندان دیریب گیتیریارمیشلر و اینه سینه دا شویله لیک بیلن یاردم ایتیارمیش.
سونگ
ــــــــــــــــــــــــــــــــــــــــ